يالحريم تراكم فشلتونا عند الناس

السلام عليكم ورحمة الله وبركاتة

الحمد لله والصلاة وسلام على رسول الله وعلى آله وصحبه أجمعين


المشهد الأول..



الرجال يطلع من بيتهم وش حليله مشخص ورايح لشغله او رايح من هنا ولا من هنا
توه طالع الا مكالمة..
طبعا الدقة المعروفة دقة الشرطة او السلام الملكي يعني دقة ام العيال

الو حياتي بغيت اتطمن عليك وصلت ولا لا
الرجال وخشته متعفطة لا والله توني عند باب البيت مابعد شغلت السيارة مالي الا دقيقتين طالع من البيت
توه عند الاشارة اللى في اول الحارة نفس الدقة المميزة
الو مع صوت معصب ترى عيالك جننوني مو معقول كل يوم طالع عنهم ومخليهم معاي ترى هذه ميب عيشة هذه ..
تناصف في المشوار..
الو حبيبي اذا معليش ازعجتك .. بس ترى اختي مرتني وتقول تبيني اخاويها السوق وانت خابرني ماقدر اطلع بدون شورك
لاياحبيبتي طسي قصدي روحي بس ريحي جوالي من اتصالاتك...
.......



المشهد الثاني


صوت عالي
الله اكبر
إمام يرفع ومأمومين يرفعون وراه الركعة الاخيرة
التحيات لله والصلوات الطيبات......
شوي الا دقة من هنا.. والرجال ينتفض..
شوي ولا دقة ثانيةمن الطرف الثاني للمسجد وررجال ثاني يتحقرص الجوال مندفس ماادري وين بالجيب
دقة ثالثة..
وكل هالدقات من الدقات المميزة اللي تنحط بس لأم العيال..

طيب الرجال رايح يصلي ووقت صلاة وشوله تتصلين به
او خايفة يخت من هنا او من هنا عقب الصلاة..
من جد ماتلاحظون هالشئ او انا موسوس ماتجي الركعة الاخيرة ا والتحيات بالذات الا تدهر دقات الجوال كل ذا حرص من الحريم على ازواجهم..
طيب خلينا ناخذها بحسن نية ونقول يمكن بنت الناس تبي تذكره ان يدعي لها في صلاته.. وهو دعا دعاء وهي كانت فيه بس ماندري هو لها او عليها..


المشهد الثالث...


فلة وشباب وسهرة وتو الليل باوله واستراحة وشد حلة خويك .. وخمسين وتعيش سنين... وحكيم ياخويي .. ودبل مقفل يعني اللعب مايبي له نفس .. والاخلاق شينة

في وسط هذا الجو المشحون يدق الجوال بالدقة المميزة لأم العيال
الو حبيبي بس بغيت اشوف انت بتتاخر او لا عشان اعرف انام او انتظرك
طبعا طار الدبل وخسرت عليهم وجلس حبيبها في الزاوية يتقهوى .. بلا حبيبي بلا هم...


المشهد العاشر والعشرون


ياحريمنا العزيزات والله اننا نحبكم لله في الله وان هالجوال اللي معنا بيدهر خدمة موجود ان ماعقلتم .. ماصارت هذه حنا طالعين من البيت عشان نرجع مشتاقين لكم موب نرجع البيت ونص المكالمات اللي جوالاتنا ميسد كول منكم وعلى وشو على لاشئ بس ملاحق بهالجوالات

م
ن
ق
و
ل