اللهجة الإماراتيه

السلام عليكم

شحالكم¿
عساكم بخير وصحة وسهاله



مادري اذا موضوعي مكانه اهنه ولا لأ ¿¿

بغيت اكتبلكم بعض الكلمات الشائع استخدامها في الامارات


**********************************************
زخ ..اقبض...يود ...معناتها امسك (اي شي )

اندوك ...يعني خذ

انقفضي.....معناتها يالله خلصينا بسرعه يعني استعيلي
اضرب بالخمس ....يعني كل بيديك ولا عليك من حد

اهبش يعني تفضل كل

سكنيه ....ارضيه ...يعني ساحره ينيه هههههههههههه

الشبريه = السرير

كبت = خزانه الملابس
هيه = نعم ( إيه )

بسير = بروح.

بوش = مجموعه الجمال ( النوق )

غرشه = زجاجه

موتر = سيارة

كشخه = زين او تعبر عن اعجابك بشئ

الدوبي= اللي يكوي الملابس
شرات = مثل

وين سايرين=وين رايحين

اخطف عليك = امر عليك

ارمس= تكلم

ربيع = صديق
يرمسون = يتكلمون

دختر=مستشفى

برنوص= الشرشف

الصرمة= النخلة

السحارة=الصندوق

الطوي=البئر

ميهوود= تعبان

دروازه = باب كبير

صندقه=بيت من خشب

السلام

حلو الموضوووع بس ليش محد يدخل قسم التهاني إلا أنا وأنت

ماكنت أنتوقع كذا وين المشرفين وين الإداره وين ميشوووفواعلى المواضيع

أنا لما كنت بالمنتدى قبل المنتدى هذا كان نشيط مره
العموووم مارح أسيب المنتدى الأول ولا رح السيب المنتدى هذا

ومشكووور على الموضوع

أنشالله واطولة عليك
مــي مــي

شكرا على مرورج اختي مي
وما ادري ليش محد يدخل القسم

مشكوووووورأخوي فيصل وعساك على القوه
دريول=سايق
توني ناش من الرقاد=توني قاعد من النوم

مع تحياتي

شكرا على المرور اخيو موتي

شكرا على المرور اخوي موتي ولا دمعة أمي.

ثانكيووووو فيري ماتش على الموضوع............................
و حبيت أزيد....

صالـــــــونة:مرق
محد:مو موجود
وقف:انتظر