تكفون شرح لبرنامج المحادثة ام ار سي

هذا الموضوع صراحه شفته واعجبني بس لأني ماأستخدم المايكروسفت شات حملت البرنامج ولقيت ثلاثة ارباع الكلام صحيح وفيه شيئ ماضبط معي (((الموضوع منقول )))

تعلم المايكروسوفت شات
عزيزي الزائر المايكروسوفت شات له اوامر كثير وانا هنا بعلمك اهم الاشياء والاوامر البعض يقول انها امور قديمه جدا ولاكن احب اقول له لو انت عارفها غيرك جديد على النت يحتاج اي معلومه ولو كانت بسيطه انا هنا رايح الخصلك هيه بطريقه سريعه ركز معايه اوكي اول شي لازم نعرف ايش هو الاونر الاونر هو انك تكون مالك الغرفه يعني ما يقدر احد يطردك من الغرفه واذا طلعت من السيرفر او من الغرفه اول ما ترجه تصير هوست الطريقه بسيطه تروح وتكتب الامر في مكان الكتابه
/prop-%#اسم الغرفه-ownerkey-:كلمة السر
انتبه الشرطه الصغيره معناها مسافه وهي مهمه جدا اعطيك مثال علشان تكون واضحه
/prop %#المحبه ownerkey : 1234
وبعدين تطغط انتر والان تصير اونر يعني لو انقطع الاتصال او خرجت من السيرفر وحبيت ترجع في طريقتين اما انك ترجع لغرفه ثانيه اي غرفه وتضغط على انتر روم الي في شريط الادوات فوق مره وبعدين تكتب في الفراغ الي فوق اسم الغرفه حقتك والفراغ الي تحت تكتب الرقم الي انت حطيته كمفتاح للاونروترجع هوست في غرفتك على طول او ترجع للغرفه نفسها الي هيه حقتك وتكتب الامر هذى في مكان الكتابه وتصير هوست على طول
/join-%#اسم الغرفه الرقم السري
وكذا تصير هوست على طول ولاكن هنالك شرط ان الغرفه ما تفضى بمعنى لو طلعت والناس كلهم طلعو ورجعت وما حصلت احد تعمل اونر من جديد بنفس الطريقه الاولىوالان نجي لشي ثاني اوكي كيف تتكلم باسم مو موجود بالغرفه بسيطه لازم تكون هوست وبعدين تكتب الامر هذى في مكان الكتابه الي تحت طبعا
/mode-%#اسم الغرفه-n
وتروح وتخش باسم ثاني وتروح لغرفه ثانيه وتكتب الامر هذى في مكان الكتابه
/msg-%#اسم الغرفه
اسم الغرفه يعني الغرفه الي كتبت فيها الامر الاول وبعد اسم الغرفه تضغط مسافه وبعدين تكتب الكلام الي تبي تكتبه وتضغط انتر وراح يطلع اسمك وكلامك بالغرفه الاولى وانت غير موجود فيها واكي طيب نجي لطريقه ثاني حركة الاسم المخفي يعني تخش الشات بدون اسم الطريقه ادخل لاي غرفه تباها باسمك العادي واذا تبي تكون من غير اسم عليك اولا ان تضغط على مفتاح كابس لوك حتى يضيء وبعدين تختار كلمة فيو من القائمه الرئيسيه الموجوده فوق طبعا وتختار الامر اوبشينز ومنها تخرج لك شاشه الخيارات وتقوم بالضغط على المستطيل الي موجود تحت نيك نيم مباشرة ليظهر لك مؤشر الكتابه وبعدين تضغط مفتاح شفت ورقم واحد في نفس الوقت وبعدين تضغط موافق واذا ظهرت لك رساله من السيرفر تطالب بتغير اسمك عليك ان تضغط مفتاح شفت ورقم واحد مره ثانيه ثم يتغير اسمك وتصير من غير اسم طيب نجي لشي مهم يورط فيه الكثير وهيه انك لازم تلغي امر السماع للموسيقه او الاصوات علشان ما يرسلك احد النغمات الي تخلي الشاشه زرقه او تختفي الشاشه اما مك ولازم تعمل اعادة تشغيل واشياء ما ليها داعي الطريقه تروح لشريط الادوات الي فوق وتختار فيو بعدين اوبشينزتنفتح لك شاشه ثانيه تروح لي سيتينك رايح تلقى اشياء كثير المهم هنا انك تدور على امر بلي ساوند وتشيل الصح منه يعني ما يصير مؤشر عليه وبعدين تضغط اوكي نجي لطريقه ثانيه كيف تسوي ترحيبات لمن تكون هوست الطريقه تروح لاسمك وتضغط عليه بزر الفاره اليمين وتختار امر
macros
وبعدين تفتح معاك نافذه تختار جنرال يجيك مستطيل فوق وهو الي رايح تكتب فيه اي شي تبيه وفوق المستطيل ثلاث دوائر الي على اليسار هذى يعني غير شغال والوسط هذى اذا حبيت الرساله تكون بالوسبر واليمين هذي تكون الرساله الترحيبيه في الغرفه وبعدين تضغط تطبيق وموافق طيب والله يدي تعبت من الكتابه لاكن كل شي لخاطركم يهون نجي لطريقه ثانيه في كلام تحب انك تكرره مثل السلام او رد السلام وغيره يعني تكتب عبارات كثيره وتخزنها وتقولها بزر واحد اسرع لك الطريقه تضغط على اسمك بالفاره اليمين وتختار
macros
تنفتح معاك نافذه تختار جنرال وتحصل تحت مستطيل هذى الي تكتب فيه اي جمله تحب تخزنها وفوق المستطيل في عداد من
Alt+o الى Alt+9
يعني تختار العدد وروح تحت وسوي الجمله الي تبي تخزنها وبعدين تضغط على
AddMacro
وبعدين تطبيق وموافق ويصير لما تحب تكتب تضغط على اي رقم خزنت الكلام الي تبيه زايد الت اعتقد رايح يكون اسرع لك طيب نيجي الان لشي اسمه الطرد بالبان يعني اذا في واحد ازعجك وطردته ودخل ثاني مره الغرفه وكرر ازعاجه
هنا تطرده برقم الايبي يعني لو حب يدخل ثاني للغرفه ما يقدر حتى لو غير اسمه بس لو فصل الاتصال بالنت واتصل من جديد رايح يتغير رقم الايبي حقه بس انت رايح تصيده بالارقام الولى للايبي الي هي ثابته وتطرده من جديد الطريقه تضغط على اسمه وبالفاره اليمين تختار امر
ban/unban
وتضغط اوكي وبعدين تطرده اوكي انا الان باعطيك معلومات عن الاوامر الي بزر الفاره اليمين يعني لمن تروح لاسم اي اشخص تبيه وتبي ترسل له ملف او تتكلم معاه وسبر
Get Profile
وهي لاعطاء معلومات عن المستخدم

Get Idenity
وهي لمعرفة رقم الايبي
Whisper Box
وهو للمحادثه الي تكون بينك وبين الشخص الي تبي تكلمه وسبر بس ما يشوفها احد
Ignore
وهي انك تحطه في وضعية التخطي وعدم رؤية اي رساله منه
Send File
لو تبي ترسل ملف للشخص اضغط على الامر وبعدين تطلعلك نافذه بمحتويات جهازك اختار الملف الي تبيه من جهازك وبعدين تضغط موافق رايح تطلعلك نافذه صغيره رايح تشوف لو الشخص استلم الملف او لم يستلمه وفيها تعرف متى يتم انتقال الملف وقديش باقيله ومتى ينتهي
Kick
وهو امر الطرد من الغرفه بس لازم تكون هوست او اونر وشرحنا طريقة الطرد بالبان ومن غير بان
وبعدين في امرين السبيكر وهو تحويل الشخص لمتحدث عادي وطبعا لازم تكون هوست وبعدين سبيكتور وهو انك تحط الشص بنظاره ما يقدر يكتب شي الا عن طريق الوسبر والهوست لاعطاء الهوست شخص اخر بس ممكن تكون هيه اهم الاشياء الي ممكن تعرفها وانا هنا حبيت اعطيك بعض عنواين السيرفرات الي تقدر تصير فيها اونر
irc.chatvalley.nl
irc .aswind.com
وهنالك سيرفرات كثير بس الي اعطيتك هيه اهم السيرفرات العربيه واتمنى اني وفقت في الشرح وتقبلوا

اتمنى انك تجربها على المايكروسوفت شات وتحكم انت بنفسك لاني انا بصراحه جربتها وكنت مستعجل جربها انشاء الله تظبط معك كلها (على فكره مايكروسوفت شات اخطر شات من ناحية الفايروسات وانت اذا قريت كيفية الاختراق راح تعرف)
اتمنى اكون افدتك
سلاااااااام