قصه موتتني من الضحك شفتها باحد المنتديات اتمنى ان تعجبكم بدوووون استثناء!!!!! @@@ !!!!!!
يالله انك تحيي هالوجيه السفره
الى جميع السيدات والسادات << ولا يهون عبد الناصر
ترى ذي أول مشاركه لي يعني عطون وجه وأبي تعليقاتكم النبيله << اوخص يانبيله انتي
يلا بنبدأ سرد القصه المشويقاه هاع <<أو الله من المصاله
3
2
1
0
طييييييييييط <<المطلوب تتحمسون
9\7\2006
>>تحس انه رجاء الصانع
المهم هذا تاريخ اكيد مميز لأنه كان نهائي كأس العالم وبذاك اليوم كنا بداون تاون بيروت(السوليدير)نتفرج على المباره وانواع الفله والوناسه بس الله يخزيهم ياخذون على الشخص 50 دولار عشان يقعد ..المهم عقب المباراه قعدنا نتناقش بالمباراة يا شيخ يطقع بالاستديو التحليلي حق اي آر تي اللي اللي يجيبون مصري يقول المباراه متوسطه والمستويات متقاربه ولم نرى فرص قويه همن يقاطعه المذيع ويقول فاصل اعلاني قصير همن يبدا الشوط الثاني هع
المهم انا قاعده اسب زيدان ومتحمسه:الله يفشششله زيدان ذا الحمار المفروض يعطي صوره حلوه عن العرب مو كذاااا..وبعدين لازم يصير ختامها مسك<<مسويه فيها
قالت اختي ببرود:ياسر¿
انا:لا وش ياسر اقصد زيدان
قال:لا لا ياسر شوفيه هناك
وانا اللي اقووم من لمحت كاب وسكسوكه بدون شنب >>على فكره وش يسمونها هذي اللي سكسوكه بدون شنب دايم اذا جيت اقولها اقول زي ياسر مالها اسم¿
وقعدت ادفدف اختي اللي قاعده بالكرسي اللي جنبي لأن عقلي نقل اشاره لأعضاء الحركه انها تتحرك وتروح عند ياسر>>متأثره بالاحياء
بس ما عرفت اتحرك من زود الطفاقه قعدت ادفدف اختي واقبصها اقول لها وانا اشاهق: ياسر ياسر ياسر ياسر ياسر ياسر ياسر ياسر (آخذ نفس)ياسر ياسر ياسر
اختي:طيب لا تدفدفين
انا:يلا قووووومي نصور معه>>لا زلت مستمره بالدفدفه
المهم مشينا وكان معاه ثلاث شباب يمكن وواحد مهوب معه اسمه خالد(لا تشكون فيني عرفت اسمه لانه لابس تيشيرت ايطاليا حق توتي بس كاتب خالد وكل مكان اروح له القاه)
وانا اركض ورا ياسر تقل خبله واختي تهاوشن وراي تقل ابله موضي اذا شافتن حاطه كحل
حصيصه:هلاليه يالخبله آخر عمررك تلاحقين شباب
انا:وخري تراي منب فاضيه لتس
المهم وصلت لمه لقيته واقف مع سامي الجابر وشايل ولده عبودي وانا اللي اخق واقول ساااااااااااااااااامي بعععد¿
المهم راح ياسر وقلت لحصيصه خلاص سامي خليه بعدين كل سنه نشوفه خل نلحق على ياسر المهم وصلنا عند ياسر انا وهيفا كل وحده تقول للثانيه قولي له انتي لا قولي له انتي
امير يجي خالد قال:تبون تصورون معه¿
حصيصه تتصنع الحياء:لا استحي
انا:الا نبي نصور معه بس اصبر بعدل شكلي معك كحل ازرق¿
هو مااات من الضحك بعدين قال:وراه ازرق عاد¿
انا:بس عشان يدري ياسر اني هلاليه ويبتسم بالصوره هع هع تفكير بعيد المدى على قولة ابلة حصه هع هع
حصيصه قبصتن وقالت له آسفين بس البنت جتها حاله استنفار
انا:اقول بروح اقوله قبل لا يروح
وبعدين رحت وقعدت اناديه بصوت واطي بس ما يسمع وامير اعصب لي ساعه انادي تقل فراش مدرسه
وامير اجي واويدز بوجهه واقول يااااسر
وامير يلتفت علي بذيك الابتسااااااامه وه بس
قلت:وه بس وه ممكن وش اسمه ذاك..نسيت..ايييييه جوال ..لا اقصد كاميرا الجوال..يعني نصور..اي نصور معاك انا واختي ذيك الطويله العصلا ..ترا كلنا هلاليين والله اصلاً انا ما احب النصر وع النصر بس حمد اللي يحبه بس تراي ما احب حمد لانه ساكن بعينزه ما نشوفه ابد خلاص وعد ما ارسل له صور سعد الحارثي بس هو يرسل اخته الصغيره يقول لها قولي لساره ترسل لي صور سعد..والا تبي اتصل عليه اقول له يمسحهن..بس تراي ارسلت له صورتك مع سعد الحارثي
وهو اللي الحين مو مستوعب ولا كلمه
انا:ترا مو حمد المنتشششششري لا يروح بالك بعيد لأني ما احب الاتحاد..حمد ولد خالتي..والاتحاد بجده وحنا بالرياض وحمد بعنيزه وحنا الحين ببيروت يعني ما يصلح!!
وهو قعد يضحك ويقول:عاد لازم تساندونا الهلال بدون جمهور ما يسوى
انا:خلاص ولا يهمك انا بحضر كل مبارايات الهلال واذا عييوا علي بقول لهم ياسر قال لي هع هع هع تفكير بعيد المدى على قولة ابله حصه هع هع هع
قال:ههههههههه يا حليلك
وانا اقول بنفسي يا ويييييييييييل حااااااااااالي على هالضحكه اللي بالموت طلعها وه بسسسسسسس
جت حصيصه قالت:يلا بنصور
جت حصيصه وقالت لي اصورها وانا اصور وهي مبعده عنه خمسه متر
انا:هيييه قربي ما تطلعين بالصوره
وامير يصير وجهها تقل اشاره مرور اللي بالملز الظهر هع هع هع
المهم صورت وقالت له:كفيت ووفيت بالمونديال
قال لها:تسلمين
الاخت راحت من زود الحيا والربكه اول مره تصور مع واحد قلت لها تعاااالي صوريني وانا مالي رب بس دايم تهكين علي تعالي
وجت ووقفت جنبه بالضببببط يعني لصقت فيه وهو يبعد مستحي وانا اقرب واشوف نظراته وطنشت..المهم اول ما صورت بعدت عنه وانا ماااسكه قلبي قلت حراااااااااااام عليكم يا ناس احبه احبه احبه يجنن يا نااااااااس يهبببل
قالت حصيصه:يا دزليلة الحيا اول شي قصري صوتتس ثاني شي وراتس لاصقتين بوه¿
قلت:اقول اسكتي احمدي ربتس ما خميته هع هع هع <<فاهر البنت
وبعدين لمحت من بعيد اختي الصغيره جايه وريتها صورتي مع ياسر قالت يا سلاام وانا ليه ما صورتوني معاه¿<<جتنا البثاره
قلت:يلا قدااااااااام اصورك معاه الحين والتفت القاه اشوا الى الحين ما راح
صورته معاها وبعدين قلت له احححححححححلى هدف بالمونديال هدفك امير يطق ذيك الابتسااامه وقال:شكككككراً تسلمييييين
المهم مشينا وبدت رحلة البحث عن سامي يوم وصلنا آخر السوليدير يأست اني القاه والتفتت برجع من حيث اتيت الا القى سامي شايل ولده ويعلك علك يا شييخ ولا علك بريتني سبيرز وفي ناس يصورون معاه المهم استانست ورحت لمه لقيت بزر يصور معاه جته وحده قالت له يا سلام ليش صورت معاه يعني هو معه واسطه ولا ايش قعد يضحك ولا سمعت باقي الكلام قلت يا ربيه عسى مهوب ما يصور مع البنات وانا تكسرت رجولي ادور عليه قلت خلاص بقول له وبجازف الله يستر ما يفشلن المهم رحت لمه قلت له:ممكن صوره¿
قال:اوكي يلا
وانا اللي اخق وانبسط جت اختي معاها الجوال جت بتصور على بالها يبي يصور لحاله جيت قلت لحظه بصور معاه وقفت واختي اختبصت وطلعت الصوره شينه مو باين شكلي لأني جيت وقفت جنبه بسرعه وهي تصور وانقهرت من اختي لانه ما عادت الصوره وفشيله ارجع اقول له بصور مره ثانيه! وه بس شابتن تسبدي
المهم مشينا وشفنا الاستهبال اللي بالشارع والاعلام اللي شايلينها انوااااااااع الفله
وبعد كم يوم جيت للسوليدير وشفت ياسر مره ثانيه بس ابتسمت له ورد لي الابتسامه وانتهى الموضوووووع على فكره الشي اللي انصصصصدمت منه انه ياسر ما كان طويل مثل ما هو بالتلفزيون وبالصور..اللي اعرفه ان ياسر طويل وبالتلفزيون يبان طويل بس مرررره انصدمت من هالشي ما بينه وبينيالا شي بسييييييييط مرررره..من جد استغررررررربت..اما سامي مررررره رهيب يجنننن.. وصاير لونه برونزي الظاهر مسوي برونزاج خخخخخخخ..بس مره حبيييييييته يوم شفته وه بس وشفت عبودي ولده ذاك اليوم بالسوليدير لحاله مع الشغاله يلعب كوره وقعدت ادور سامي ما لقيته
هع
هع
ما يستفاد
1-يا سحااااااالي اذا شفتوا احد مشهور وخاصتن اذا صار حلوو اثقلوا اركدوا لا تسوون زيي لأاني بصراحه يوم رجعت البيت وفكرت باللي صار كنت مره متفشله والى يومكم وانا كل ما تذكرت اتفشل
2-كلكم لازم تاخذون دوره في فن التصوير عشان ما تطلع الصوره شينه وتتوهقون
3-ترا الكحل الازرق موووضه والى الحين ما طلعت موضه الكحل الاصفر هع هع
4-العلك يهضم <<خطمات
5-ادعو للي اخترع الكاميرا بالجوال تراها نعععمه عشان ما تقعدون تشيلون كاميراتكم بكل مكان
6-اهم شي التفكير بعيييييد المدى هع هع واهم شي الاخلاق وحب الوطن واحترام المعلم وتشجيع الهلال هع
7-.................................................. .....>>كيفي موضوعي وانا حره
8-اللي ما يعرف الصقر يشويه <<بس يمدحون المقلي تغيير ترى
على فكره ترا القصه حقيقه وصارت لي وما كذبت بولا شي غير الحوار اللي دار بيني وبين ياسر بسسسسسسس يعني صدق شفت ياسر ببيروت وسامي واللي يشك بكلامي يسأل سامي وياسر وين كانوا بيوم المباراة النهائيه راح يقولون لكم ببيروت وبالسوليدير بعد وربي يشهد على كلامي
يلا سلااام
