¦¤™°§*®§* الـحـــلــم *§®§*°™¤¦
[poet font="Tahoma,5,black,bold,italic" bkcolor="transparent" bkimage="backgrounds/17.gif" border="inset,10,darkred" type=0 line=350% align=center use=ex length=0 char="***" num="0,black" filter=""]
حلمت حلم انك بجنبي وتبكين=وأنا أمسح دموع عينك اللي تهله
خيال حلم تجذبه دمعة العين=مع غفلة أهل العيون المظله
حالي قضى وأنتي لحالي تشوفين=ومن سبتك بالقلب تسعين عله
ليتك عن اللي داخل الجوف تدرين=تدرين عن همّ بقلبي أمله
ما فيه داعي نشرح الوضع تكفين=أنتي علاج القلب وأنتي دوله
ياما سهرت الليل والناس ممسين=ويشهد على سهري نجوم مطله
وياما صبرت أيام وشهور وسنين=برجواك يا راعي الرموش المظله
حبك حرمني عن جميع المزايين=وحبك يدفيني عن الحي كله
لو إن قربك ينشرى بالملايين=والله لسوق المال دقه وجله
أقسمت برب له عباد مصلين=منساك غير طويق يخلف محله
كلمة عهد وحنا على العهد ماشين=ما هو عهد مراسلين المجله
حال الممات ولا حصل نقضي الدين=والحضن دونك واحدٍ واقفله
بأوصف قبري كان ودك تمرين=وبعطيك وصفٍ لا بغيته تدله
بأرض الشمال وقبلة القبر رجمين=الأيسر منهم يلحق القبر ظله
ولا جيت عند قبري بإسمي تنادين=وأجاوب اللي جعل روحي فدله
وبربك عن جسم رحل خففي الطين=وإطلبي له الغفران عن كل زله
وإن كان ودك فوق قبري تصلين=لا سجدتي خلي الرأس فله
أشم منك ورد ريح البساتين=جسم أكله الدود ريحك يبله
وعند الموادع أكتبي على القبر حرفين=مرحوم ياللي صاحبه ما حصله
[/poet]
[ALIGN=CENTER]قصيده للشاعر (الشمالي)
أعجبتني وأردت إتحاااااااف مسامعكم بها
تحمل كلمااااات وتعاااااابير مجاااااازيه غاية الروعه
وأنتم الحكم فيم ترون
لكم مني خالص التحية والتقدير
أخاكم المحب
أميرالقلوب[/ALIGN]
