غــــلــــطـــتـــــي !!!

غلطتي صدقت إن الحب قسمة
واتضح لي لا هو قسمة ولا نصيب

كنت أظن الحب بس بوسة وضمة
وضحكة لا شفتها جرحي يطيب

كنت أظن مابه تفاصيل مهمة
لاتعب ولا هموم الشعر منها يشيب

كنت أظن ان الهوى كلمة وذمة
وإني من دون البشر وحدي حبيب

ومن يحبك يحسبك خاله وعمه
أثرها كلمة .. لا تودي ولا تجيب

واللي يسقي الورد غير اللي يشمه
ومن يصيب اليوم باكر مايصيب

مابقى في هالزمن طيبة ورحمة
ذنبنا عشنا بزمن قاسي غريب

كنت أظن الحب ذوق وفن وحكمة
مادريت اللي يحبك يمكن فلحظة يسيب

مابقى في الحب شي غير اسمه
انطفت شمس المحبة واستمالت للمغيب

كنت أظن الكون دون الحب ظلمة
ولو هي ماصابت معي ماظن تخيب

كنت أحبك مثل حب الطفل لامه
ماتوقعت إن ظني بك يخيب ¿!!!

واللي يسقي الورد غير اللي يشمه
ومن يصيب اليوم باكر مايصيب
الله صح لسانك وتسلم على القصيده التي اكثر من رائعه وعلى معانيها الراقيه...
تسلم ويعطيك مليوون عافيه على الكلمات والمعاني التي في قصديتك وحكمتها¿.
نتطلع لجديدك وابداعك..
تقبل مروري

نورتنا يالغلا