اسف انا في جيتي...........
اسف انا في جيتي لك تسرعة ظنيت الاقي فيك شي فقدته
كنت احسبك مجروح مثلي تولعت جربت فرقى شخص قلبك وهبته
كنت احسبك من مر جرحك تجرعت حبيت فيك احساس طفل لمحته
لو قلت اه بوسط روحي توجعت لو شفت دمعاتك شعوري سكبته
لو تطلب عيوني ابد ماتمنعت واعطيك قلب لو بعد ماطلبته
وصلت بك اعلى مكان تربعت في قلب غيري ماوصلته
واصبر على صدك واشوفك تدلعت واعطيك ود ومااظنك حسيت فيه
اذهلتني بطباعك الي تطبعت حتى قصيدي ابد مافهمته
لو كان غايتك حروفي فاانا بعت وافرح بجرح المشاعر اللي جرحته
وارجوك من صدك تراني تشبعت خلك مع الي عاجبك او عجبته
يكفي قهر في جيتي لك تواضعت تركت غيرك لاجل عينك وبعته
يالتني عن حب مثلك ترترفعت ياليت قلبي قبل اعرفك دفنته
لاكن ببعد دامني بك توهقت الله يرحم حبنا اللي قتلته
انا شريت الود واللحين انا بعت وانا عطيتك قلبي اللي قهرته
في يوم جيتك اطلبك ود واقنعت نفسي بانك شخص عادي عرفته
كمل حياتك مثل ماانا توقعت تبقى اسير الماضي اللي فرضته
ولا يحزنك اني انسان وترجعت حولك بدالي الف شخص عجبته
اما انا لايمكن اخضع ولاطعت يحرم علي اعطيك قلب خذلته
بريحك من شوفتي يوم قطعت اسلوبك اللي به تجامل كرهته
غلطان يل المقفي انا ماتتبعت غيري يتابع خطوتي ماتبعته
ماينحني راسي لو اني تقطعت وماهو بنا من لا رميته لقطته
وان كان غرك حكي عذالي وطعت الله يعلم كيف قلبي سكنته
اللي ملا قلبك علي وتسمعت له خله يعوض شخص مثلي خسرته
انا بما فيه الكفايه تولعت واللي بقى من قلب فيني حرقته
وان شفتني صدفه بعينك تطلعت ذكرتني باانسان غالي فقدته
بااول لقا سلمته احساسي وضعت غلطت حياتي يوم قلبي سلبته
واستسمحك فالبعد كاني تراجعت ماعاد بلاقى فيك شي فقدته
طبعك مثل غيرك وطبعي كما كنت احب شخص ولا تركته تركته
(منقول) وحصل بعض التعديل مني واتمنى ان تنال اعجابكم
ولكم تحياتي
