قصيده الي عائض القرني

مات القلم والشعر مع نشر الابيات = ومالج في صدري دفين بمحله
الشعر دونته هموم ومسرات = فلافاد كاتبها ولابرد غله
صغته وكل قاف" يمثل لوقفات = مصدر فخر والجمع له مسفهله
شاعر وفي راسه أماني ونوهات = وان امهله وقته فكل " يدله
لكن انا والشعر صارت عدوات = وقررت بعد اليوم سيفي اسله
لعلني اتبع قلوب" مريحات =لافكر لادمع فخدي اهله
من كان شاعر له مشاعر رهيفات = يحتس من وقته بدقه وجله
ان شاف مايفرح عنا للمهمات= وحرص على قافه يجي فيه خله
وان شاف مايكره شرابه مرارات =يهتم وكل عقد" عسير يحله
هذا مجاله والغزل فيه الافات = يغفر لي الله كم بدينا بزله
نحب ونسهر وكم كذبنا بأهات = نذوب ونذوب رموش" مضله
ونبدي لمن يجهل دروس وعلامات = ويذنب وكل همه حجاجه يفله
والموت قافينا ورب السموات = وكل الجوارح للعزيز مستذله
كل ذا جهل منا ولكن هيهات =نار" تفوح نار" يخلد جزله
فالشعر من دون العبر والمروات = ونصح" وأرشاد" ومبرات عله
ودين وتقاء ونبذ" لكل الخلافات = فمن دونها ياناس ينعاف كله
حنا غرقنا فالفخر والمباهات = أحفاد ابو بكر وأبقول لله
فينا تمادا الغرب وحازو البطولات= قتل وهتك أعراض ولاحد" وقفله
وأرامل وشيب" جزاهم أهانات= وصاروخ للمسجد لساسه يهله
وسبو رسول الله رفيع المقامات =قرود" خنازير" خذو الكفر مله
فقمنا له نحامي وفي غضون ساعات = نحاول نبرر له وجاء مخرجله
كيف من بعد هذا نريد الشفاعات = وش ردنا بالقول فيما حصله
الله ياعصر" مضى من فتوحات = عصر الصحابه من قراء مايمله
وتبكي عيوني لاجهر فالصلوات= بأيات كل ضالم لها مصغرله
ياعائض القرني كثرن المسارات = في وقتنا ياشيخ وانت فاطن له
كثرو دعاة الفسق وساقو الدعايات= يالله عسا أطرفه بأمره يشله
السحر والمراءه ونقض" لغرات = من يامر المعروف صار مطمع له
وفي كل دار مسلم ومسجد وأيات =كنايس الصهيون له مستحله
هجر وجهل معنى وبحر الشهوات = وكل صيحة" تعلن تجي موضتله
أسماء عظام" والهياكل هزيلات= وكل" طمع فينا نكون لقمت له
هات الخطب تحيي قلوب" مميتات = عقب الجهل ربي نضلل بضله
ونجمع شتات ويقربن المسافات = ونطهر الاقصا ونوفي قضى له
أيماننا لازاد يكفي الصقيلات = سيوف وكل مؤمن ملك مردفله
غزوة بدر حجه علينا وأثبات= في نصرته ننصر وفالزوغ ذله