تسطيح على كيف كيفك!!

[سعوود]

[ALIGN=CENTER]السلام عليكم ...
يسعد مساكم كل ابوكم واسف على الانقاطع عن المنتدى بسبب ظروف لم تتم السيطره عليه وظروف قااهره ( على بال امه مهم في المجتمع العربي ) المهم ماعلينا

قبل فتره وانا جالس في الغرفه اشوف الجهاز ينادي يقول.. تعال مابقي شي بالعمر يصبرني ... تعال وشغلني بليز واللي يرحم ولديك
قلت له .. اموت واعرف على ايش انت نااوي... ودك تورطني ولا يدور في الذاكره شي ثاني
قال.. سيدي وصالك زاد علي الغبار .. ياخي انت ماتحس قم يامل الماحي
قلت له .. عذبتني ونشبت لي بالحلق مثل العظم .. ظلمتني والقلب وش حيلتها الا انه يطيعك ياسعاده البيه
شغلت جهازي وانا جالس ااشغله اشوف الغبار في يدي ..تعرفون ليش الكيبورد مغبر والشاشه عليه اشباك للعنكبوت .. بس لو اصيده ذا العنكبوت تعبني واللي قهرني زياده انه يمر من عندي ذا العنكبوت وحط على ظهره علم القراصنه (اه لواصيده وربي لذوقه انواع التعذيب واول شي جلسات كهرباء\)
االمهم بعد العناء الطويل وانا جالس انظف الجهاز شغلت اغنيه لنوال .... يتعابني يمغربلني .. وبعدها سوينا اتصال ويالله تعالوا وشوفوا وش يقول يقول الاتصال... ياخي انت قديم رح اشترى لك بطاقه انت وخشتك قلت زين اوريك
المهم سوينا اتصال واذا موقع اول مره اشوفه يفتح معي دخلنا عليه وجالسنا نحوس فيه وبعده دخلنا الشات تبعه ولفت انتباهي واحد اسمه الولد الضال ولد الله لايوريكم نفسه في خشمه ماتقول له كلمه الا رد عليك بعشره تسلام عليه
يقول لك اذلف تقول اخبارك يقول عج وغبار ومستلم الا في الغرفه تحريج المهم دارت في بالي فكره شيطانيه طلعت من الشات ودخلت بعدها بخمس دقايق بس دخلت باسم ثاني باسم (أروى) ودخلت وسلمت وردو الا هو قلت له هااي ضال بس طبعا بالنجليزي ورد علي وقال كيف الحال بالعربي الرجال طلع قاموس في الانجليزي وانا متوهق بعض الكلام افهمه والبعض منه من القاموس جالس اطلعه(اكبر غشاش) قلت هاذ يباله تسطيح وسطحنا قلت له ممكن تتكلم عربي لان طفشانه من الكليه هناك انجليزي وهنا انجليزي قال اوكيه وجالس يسأل اسئله راسي اتنفخ منه مو نقاص اللي يقول وش اسم امك المهم قلت له الحين دوري ابي اسأل ممكن قال افااااا اسألي ولو تبين كرت العائله بعد ( الرجال منسم ) وربي ولا اكبر رقعه ترقعه والحين اسمعو الاسئله والاجابات
.. ماذا يعني لك الحب ¿
.الحب في وقتنا الحاضر لعب عيال وبمعني اوضح اصبح الحب يستخدمها اكثر الناس لفتره زمينه معينه !
...هل صحيح ان الحب للحبيب الاول¿
. ياشيخه اذلفي عن وجهي( السؤال ماعجبه)
... طيب هل يختلف الحب باختلاف مراحل العمر¿
. نعم..يختلف مثل ماتختلف سيارات الدفرنس الامامي عن الدفرنس الخلفي
... ماذا تحتاج من المرأه¿
. احتاج من المراه اشياء كثيره ولكن عندما تكون المرأه مدربيه راسها وبعيده عني وغير مهتمه احسن حل اعطيها خااامس( وانا اقول لا حرام عليك وانا ميت من الضحك)
... طيب مأجمل شي في الزواج¿
الا سترخاء والا ستلقاء ( الاخ جالس على بحر)
... طيب انت متزوج ¿¿
.أيـــــــــــــــه
... طيب وين قضيت شهر العسل¿
.في استراحه اعقلها وتوكل ( هااذ اللي فاك مخي الا ستراحه هااذي وين)
... متى تكون ذروة سعادتك¿
. عندما يأتي الليل ويناموا الورعان( البزران)
... في رايك ماهو دور المرأه في وقتنا الحاضر¿
. اصبحت المرأه في وقتنا الحاضر تودي ادوار هجوميه وبعضهم بخشونه مما يؤدي الي طردهم بالـ....!
... ماذ تمثل المرأه في حياتك ¿ وبم تدين لها¿
. المرأه في حياتي تمثل ادوار : عطني . ابغي هذا. جب لي هااذ . ماعندي... ليش فلانه عندها وانا لا.. واما بالنسبه لما ادين لها¿ فلا احب ان اجيب على هااذ السؤال( شكله عليه ديوان واجد منها خخخخخخخخخخخ)
... طيب اكبر اسرار نجاح الحياة الزوجيه بين الرجال والمرأه¿
. من اكبر اسرار النجاح ( الاحتفاظ بها في حصاله)
... اهاااا طيب تلجأ المرأه في بعض الاحيان للنفور من الرجال فهل هذه نتيجه لسوء الرجال ومعاملته ايضا¿
. يمكن ان تكون لسوء معاملته ويمكن تكون لرائحته الخايسه
... لماذ نغمض عين ونفتح عين¿
لمغازله الجنس الاخر ( ياااااااااااااااعيني)
... مارياك في تعدد الزوجات ¿
. لذيذ لذاذه وحلو حلاوه
... طيب اخر الشهر واول الشهر وش يعني لك¿
. المراه والطفره
... طيب عندك عيال صح¿ <<<<ايوه صح
... طيب ماكنت محروم منه هل عوضته لعيالك¿
. لالالالالالالالالالالالال الا ومعصي( احس انه طالعه من قلب)
قال الضال ( اروى) خلاص مابي اسئله وربي تعبت
قلت بس اربع اسئله عشاني تكفا عشان خاطري يالله لك تأبرني(ياشين السرج على ....) بس عندي احساس انه ذاب يوم قلت له كذا قال اوكيه عيوني
... موقف حصل لك مع زوجتك وندمت عليه¿
. مره قالت اقطع الاشاره لان كان عندنا عشا ومتاخرين وقمت وبكل ثقه وقطعت
الاشار والي وبعدها والثالثه الا الحكومه تكبيس لي وانا في التوقيف وهي اللي بالبيت تتعشى ( اه من يزنطها)
.... طيب ابي تقول لي وش اجمل ماقيل للمرأه فماذا تقول انت¿
. يامرأه اليوم كفاكي لوم...... كفاكي دلع عساك الوجع
... طيب نقطة ضعفك الوحيده¿
. بلاش مابي اقول ( لازمت عليه يقول) وقال زوجتي اذا صارت زعلانه ابيع الدنيا عشانه مابي اشوف دمع في عيونه ( انا شوي ببكي من الرومنسيه الرجال طلع عنده قلب يعرف يحب)
... طيب كلمه اخيرة تبي تقوله¿¿
. قال ليه وانتي طالعه ( قلت لا) قال خلووووووووووووووووووووووو ها
وبعده تعرفون وش صار
ماشفت نفسي الا وانا في خارج الشات وش السالفه طلع ( اتصال الطلب الهاتفي) سوينا اتصال تعرفوووون وش يقول ( اذا ممكن يالحبيب تتأكد من كلمة المرور واسم المستخدم فاهم والا افهمك ) قلت في قلبي وش ذا الجهاز اللي طالب حرش
وبعدها شغلنا اغنيه للفنانه فيروز.. حبيتك لنسيت النوم لك شوى يخزيك اتصال
وتقبلوا تحياتي
اخووكم سعوود[/ALIGN]

[قلب_مسافر]

راااااااااائعه وعوده قويه يالذيب


بصراحه .....................

قريتها 3 مرااااات

ههههههههههههههههههههههههه هههه لكن عبارات مركبه جميله جدا


شكرا لك

14) 14) 14)

[سعوود]

هلا هلا قلب _مسافر
ربنا يسلمك وتسلملي
ولا شكر على واجب
اخوك.. سعوود

[بنــــــت الباديه]

أخوي

سعـــــــود

الحمدلله على السلامه

مشــــــاركه رائعه وقويه

تســــــلم عليها


اسلوب رائع في طرح المواضيع

تسلم يمينك وعساك على القوه

ولاتحرمنا من ابداعاتك

تحياتي
أختك
بنــــــــتالبــــــــاديه")(

[سعوود]

[ALIGN=RIGHT]الله يسلمك اختي بنت
ومشكور على الرد المتواضع

تحياتي
اخوكو ..سعوود [/ALIGN]