الموضوع: يعد روحه بين ربعه صتيمه

[ALIGN=CENTER]السلام عليكم

مساء الخير يالغالين

جميعنا نتذوق الشعر ولكن يختلف ذوق شخص عن آخر
(( ولولا إختلاف الأذواق لبارت السلع ))

قصيده أعجبتني وفيها مايطيب الخاطر للي يدورها [/ALIGN]


[poet font="Tahoma,4,darkred,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أبوي رباني على الطيب من جد=ما قال لي يفلان رد الشتيمة
ترى الردي لا من سفهته تنكد=يموت في غيظه ونفسه سقيمة
وأنا أعرف أن به ناس دايم تهبد=مرضى نفوس مدورين النميمة
خلك من اللي لا تحاكا تجرد =على الكلام الشين يذبح تميمة
أبو حجاجٍ لا نظرته معقد=خبيث نفس ولو بخصته بهيمة
درب السنع عنه يحيد وتصدد=يسوق رجله للدروب اللئيمة
اللي على الحرّمة يموت وتوجد=غاية مناه تذوق منه السقيمة
عنتر زمانه لا حكا ثم تنهد=يعد روحة بين ربعه صتيمه
يا بوك أنا شايب وشيبي تعدد=أبخص ردي الساس وأهل الشكيمة
خلك مع اللي بالمراجل تشدد=الطيبين أهل العلوم الحكيمة
الصاحب اللي لجل خله تكبد=كل العنا ما قال هذي ظليمه
فلت حجاجٍ لا نصيته تعمد=يسوق نفسه ما حسبها بقيمة
هذي نصيحة كان ودك تجود=أخذ الكلام الزين وأترك دميمة

[/poet]

[ALIGN=CENTER]أخوكم

فيصل[/ALIGN]