الموضوع: (( الشمريه ))

السلام عليكم ورحمة الله وبركاتة

دنيـا غريبـه زاد منهـا كـدرنـا
وزاد العنا من وقتنا وبعض الاسباب
والله يالولا المرجلـه مـا صبرنـا
ولا يحتمل وقتٍ محمـل بالاتعـاب
ومع كل هذا بفعلنـا مـا قصرنـا
نفعل اليامن الردي بالـردى خـاب
ومن باسنا بانظارنـا مـا نحدرنـا
لو سكرت بوجيهنـا كـل الابـواب
حنا هـلٍ للطايلـه مـن ضهرنـا
وشموخنا عانق طويلات الاهضـاب
ولاهـو غريـبٍ فعلنـا لا هدرنـا
عدونـا نسقيـه مــرٍ وتـيـزاب
ماهـو جديـدٍ مـن قديـمٍ خبرنـا
قبيلةٍ مشهود لـه عنـد الاجنـاب
شمر هلي لو صار قاسـي دهرنـا
يا قونا عند المصايـب والاصعـاب
حنا الطنايا اسمنـا مـن سطرنـا
وياما خذينا من جميـلات الالقـاب
وحنا هـل الحرشـا كبيـرٍ فخرنـا
ساس المراجل والزعامه لنا اركاب
وحنا اليامـن قيـل زوبـع قدرنـا
بعون الله لفك صعبـات الانشـاب
وحنـا سناعيـسٍ طـوالٍ اشبرنـا
ردينا لمواجـه الضـد مـا هـاب
وحنا الضياغـم للمعـادي قهرنـا
تشهد لنا صـولاتٍ يـوم الاكـراب
وحنا يمن فـي كـل عـزٍ كبرنـا
لا ثارت الهيجا مطانيـخ وانجـاب
وحنا الصفران لكـل نـدن كسرنـا
بفعالنـا تفخـر شبـابٍ وشيـاب
وحنا هـل الحيسـه بعيـدٍ نظرنـا
ماننحني لوتنحنـي كـل الارقـاب
وحنا لمنهو صاح صبحـي جبرنـا
كلن بحق المنتخـي صـار طـلاب
وحنا اليامن قيـل غلبـا حضرنـا
الكل منـا لغالـي الـروح جـلاب
وحنا السيافـا بالمعالـي شهرنـا
من دوننا تقصر زحازيح واشنـاب
وحنا سودان الروس محدن جبرنـا
وزهيد ما نرضى الهزيمه لنا بـاب
وحنـا بزينيـن المحـازم ضفرنـا
عند اللزم للملتجـي درع وحجـاب
وحنا العصاة لكـل عايـل دحرنـا
تاريخنا مـا هـو تزاويـر بكتـاب
وحنا هل العصـلا وسيـعٍ بحرنـا
واليا زعلنا امواجنا سيوف وحراب
وحنـا مساعيـدٍ اليامـن ذكـرنـا
صغيرنا للطيـب والمجـد كسـاب
وحنـا بغافـل لانتخينـا عبـرنـا
في كل ميدانٍ لنا كسـب الاطيـاب
وحنا بالازمـل لانتخينـا جهرنـا
بوجه العدو عوقن وعزن للاصحاب
وحنا هل الجدعا اليامـن جسرنـا
خصيمنا دايـم محطـم ومنصـاب
وحنا هـل البلهـا قـويٍ ضهرنـا
بزوماتنـا عدونـا دوم مـرتـاب
وحنا الحجلان بفعلنا مـا صغرنـا
ما ننثني لا صار للحـرب شبـاب
وحنا كبار الصحون ياللي تخبرنـا
وساع الطعون صوابنا ماله اطباب
وحنا لفعـل ايماننـا مـا حصرنـا
ومهما تعد امجادنا مالـه حسـاب
حنـا ابطـالٍ بالمراجـل تجـرنـا
وتاريخنا عن قمة المجد ما غـاب
لا زغردٍ بيـض العماهيـج سرنـا
للموت نمشي وعزنا فوق الاشهاب
كم شيخ قـومٍ بالمعـارك صقرنـا
عركاتنا يفرح بها الذيـب وعقـاب
وكمن رعيلٍ تـاه عرضـه سترنـا
في ظلنا عاشو عزيـزيٍ واحبـاب
للجار ظـل وعـز منهـو خطرنـا
افعالنا مـا ينكـره نـزه الانسـاب
هـذا وحنـا لغيرنـا مـا حقرنـا
نعمين بالأجواد من كـل الاطنـاب

وتقبل عميق شكري وأمتناني